Pretoria Boeremark stalletjies

Kontak ons by ptaboeremark@tlu.co.za vir meer inligting oor stalletjies. Hier is ‘n kaart van die Pretoria Boeremarkstalletjies.

Begin jou eie stalletjie

1. Die Stalletjies is 4m x 4.5m groot. Die 4 meter is straat front en 4.5m diep.
2. R500.00 intreefooi is betaalbaar wat onder geen omstandighede terugbetaalbaar is nie.
3. R1 150.00 per maand per stalletjie vooruit betaalbaar. Die fooi is betaalbaar hetsy die stalletjie elke Saterdag okkupeer word al dan nie.
4. Alle fooie is vooruitbetaalbaar. Betalings kan gemaak word per EFT of per kaart in die kantoor – Pretoria Boeremark – FNB – 62383915629 – 250655
5. Waar elektrisiteit beskikbaar is sal ʼn fooi van R 150.00 per maand vooruit betaalbaar wees vir gebruik vir ligte/selfoon laaier of kaartmasjien laaier. Vir enige ander toestel word ‘n tarief bereken en skriftelik ooreengekom vir betaling per maand.
6. Pretoria Boeremark hou die reg voor om nie hierdie huurooreenkoms te verleng nie.
7. Die voornemende uitstaller moet nadat hy antwoord op sy e-pos ontvang het, eers by die mark na n beskikbare stalletjies kom kyk en ‘n stalletjie kies waarna hy/sy dan die daarop volgende Saterdag die stalletjie kan beman. U moet u eie tafel, stoel, en ‘n gazebo vir u stalletjie bring.

Produkte

Produsente wat stalletjies by die mark het, kom van oral oor. Die mark funksioneer op die vryemarkstelsel en indien die produk nie ‘n landbou produk is nie, is die vereiste dat dit handgemaak moet wees. Tradisionele kos soos pap en kaiings, pannekoek, vetkoek en melkkos is baie gewild. ‘n Groot verskeidenheid van kossoorte is by die mark te koop. Vars brood, pasteie, tuisgebakte koekies en beskuit, heel hoenders en verwerkte hoenderprodukte, vleis en vleisprodukte, verskeie kaassoorte, vars melk, joghurt en ingemaakte produkte. Vars blomme, plante en saailinge is ook te koop. Daar is ook speserye, kruie, droë vrugte, neute, handgemaakte klere, juwele, staalkuns, houtwerk items en ‘n wye verskeidenheid van ander kunsvorms.

Die mark begin 5:30 elke Saterdag en loop teen 9.30 ten einde en is slegs op Christelike vakansiedae gesluit. Elke Saterdag kom duisende besoekers vir hulle weeklikse inkopies na die mark. Sommige kom net om vriende of familie te ontmoet en by een van die koffie plekkies te kuier.

Kostes

• R500.00 toetree fooi ( nie terug betaalbaar) plus R265.00 vir die eerste Saterdag en daarna R1150.00 per maand. Stalletjie fooie is vooruitbetaalbaar – verwys asb. na die volledige reëls, koste en werkswyse dokument
• ‘n E-pos moet gestuur word na ptaboeremark@tlu.co.za waarin die produk wat u wil verkoop vermeld moet word. Neem kennis dat alhoewel die mark op die vryemarkstelsel funksioneer ons die reg voorbehou om van tyd tot tyd n moratorium te plaas op sekere produkte/items.
• Die voornemende uitstaller moet nadat hy antwoord op sy e-pos ontvang het, eers by die mark na n beskikbare stalletjies kom kyk en n stalletjie kies waarna hy/sy dan die daarop volgende Saterdag die stalletjie kan beman. U moet met eie tafel en stoel, en n gazebo vir u stalletjie bring.